د افغانستان او ایران سرحدي کمیسارانو د افغان مسافرو د وژلو په هکله خپلې ګډې څېړنې د دواړو هیوادونو پر پوله، د پېښې په سیمه کې پیل کړې دي. بهرنیو چارو وزارت ویلي، چې د څېړنو پایلې به د دواړو هیوادونو له رهبرۍ سره مطرح شي تر څو د پېښې جزییات معلوم او د څېړنو د پایلو پر بنسټ د راتلونکې لپاره لازم اقدامات په نظر کې ونیول شي. ایراني عسکرو دوه اونۍ وړاندې پنځوس افغان مسافر په خپله خاوره کې په هریرود سیند لاهو کړل له دې ډلې یوازې ۱۲ یې ژوندي پاتې شوي دي.
