روسیه: د اوکراین په جګړه کې مو ۱۳۵۱ سرتیري وژل شوي دي

روسیه وايي چې د اوکراین په جګړه کې یې ۱۳۵۱ سرتېري له لاسه ورکړي دي. روسیې وروسته له دې چې شاوخوا یوه میاشت مخکې یې پر اوکراین برید وکړ، دا لومړی ځل دی چې په جګړه کې د خپلو سرتېرو د مرګ‌ژوبلې شمېر اعلانوي. د روسیې د پوځ جګپوړو چارواکو ویلي چې پر اوکراین د روسیې‌ ‌‌له برید وروسته یاد روسي سرتېري وژل شوي او ۳۸۵۰ نور ټپیان دي. دا شمېرې د مرګ ژوبلې له هغو شمېرو سره چې نورو اړخونو ورکړي دي لوی توپیر لري، خو د اوکراین د وسله‌والو ځواکونو ستر درستیز ویلي چې له ۱۵ زرو زیات روسي سرتېري په دې جګړه کې وژل شوي دي.