زابل کې ترافیکي پېښې ۲۰ کسه ټپیان کړي دي. د زابل ولایت ځایي چارواکي وایي پېښه تېر ماښام په شهر صفا ولسوالۍ کې شوې ده. روغتیایي چارواکي هم د شلو ټپیانو د وروړل کېدو خبره کوي او زیاتوي چې په دې ډله کې د شاوخوا ۱۵ کسانو روغتیايي وضعیت نازک دی. د زابل د ترافیکو مسوولینو ویلي چې پېښه د بایفور ډوله موټر د چپه کېدو له امله رامنځ ته شوې ده. سرچینه وايي د پېښې اصلي لامل د موټر چلوونکو نه پاملرنه او تر ټاکلې اندازې د ډېرې سپرلۍ لېږدول دي.
