په افغانستان کې د امریکا د جګړو له امله میلیونونه وګړي بېځایه شوي او زیانمن شوي دي. د چین د بهرنیو چارو وزارت ویاند د کډوالو د نړیوالې ورځې په مناسبت په تازه څرګندونو کې ویلي چې د سپټمبر د یوولسمې تر پېښې وروسته د امریکا د اقداماتو له امله له ۴۰ تر ۶۰ میلیونه وګړي بېځایه شوي دي.
د ده په خبره امریکا د یادې پېښې د عاملینو د نیولو په پلمه په ګڼو سیمو کې جګړې او نښتې پيل کړې دي چې له امله یې میلیونونه وګړي بېځایه شوي دي. چین وایي چې د امریکا جګړو یوازې په افغانستان کې یوولس میلیونه کسان کډوالۍ ته اړ کړل.
د چین د بهرنیو چارو وزارت ویاند وايي چې د یوولس میلیونه کډوالو تر څنګ په افغانستان کې د امریکا جګړې میلیونونه کسان نور زیانمن کړل، اقتصادي وضعیت یې ترینګلی کړ او د ملکیانو پر وړاندې د دوی د جګړو له امله ستر بشر ضد جنایتونه هم ترسره شول.