امریکایي سناتور: امریکا باید افغانستان کې کافي حضور ولري

د امریکا د سنا جرګې د اکثریت جمهوري غوښتونکو مشر مچ مک ‌کانل وايي، چې امریکا باید له ترهګرۍ سره د مبارزې لپاره افغانستان کې کافي حضور ولري، چې په وینا یې څو افغانستان د عراق او سوریې پر برخلیک اخته نه شي. نوموړی وايي، په طالبانو لا هم باور نشته، چې ګنې دوی دې له القاعده او نورو ترهګرو ډلو سره اړیکې پرې کړې وي. امریکایي سناتور مچ مک ‌کانل وایي، له افغانستانه وتلو کې باید احتیاط وشي او د ده په باور د دغې لانجې یوازینی حل د افغانانو ترمنځ خبرې دي.