د بشري حقونو څار ټولنه وايي، نړۍ او طا لبان د افغانستان د بانکي ستونزو د هواري لپاره بېړنۍ هوکړې ته اړتیا لري. دې ټولنې ټینګار کړی، چې په کابل کې د القاعدې د مشر وژل کېدل باید د امریکا او طا لبانو تر منځ روانې خبرې زیانمنې نه کړي او په وینا یې ملکي افغانانو ته باید د قانوني سوداګریزو فعالیتونو لار ژر برابره شي. د بشري حقونو د څار نړیوال بنسټ د افغانستان په تړاو په خپل تازه خپاره کړي راپور کې ویلي چې د افغانستان بشري ناورین تر هغې په اغېزناک ډول نه شي حل کېدای چې امریکا او نور حکومتونه د افغانستان پر بانکي سکتور محدودیتونه کم نه کړي او قانوني اقتصادي فعالیتونو او بشري مرستو ته لاره برابره نه کړي. امریکا، نورو حکومتونو او نړیوال بانک د تېر ميلادي کال د اګست پر پنځلسمه د ا.ا له بیا واکمنېدو سره د افغانستان د مرکزي بانک باور لغوه اعلان کړی. له هغې راهیسې دغه بانک د خپلو بهرنیو اسعارو پر زېرمې هم واک نه لري او نه هم نړیواله راکړه ورکړه کولی شي.
