اقتصادي ستونزې؛ امارات شرکت ۴۳۰۰ پيلوټان له دندې ګوښه کوي

د نړۍ تر ټولو ستر هوایي شرکت امارات اړ شوی چې د اقتصادي ستونزو له امله خپل زرګونه کارکوونکي وباسي. د وروستیو معلوماتو له مخې دغه شرکت خپله درېیمه برخه پيلوټان او د پرواز خدمه له دندو ګوښه کوي، ځکه پروازونه یې محدود دي او شرکت له اقتصادي ستونزو سره مخ کېدونکی دی. رویټرز وايي امارات شرکت ۴۳۰۰ پيلوټان او ۲۲ زره د پرواز خدمه ښایي له دندو ګوشه کړي. امارات شرکت هم ویلي چې د کرونا وبا له امله دوی له هم له اقتصادي ستونزو سره مخ دي، ګڼ کارکوونکي به یې وباسي خو په دې اړه یې تر دې ډېر توضیحات نه دي ورکړي. امارات شرکت ویلي چې خپل کارکوونکي وباسي خو سره له دې هم له دوی سره له پوره عادلانه او احترامانه چلند کار اخلي.