په بغلان کې پر سو‌ء تغذیې د اخته ماشومانو شمېر ډېر شوی دی

د ځایي ډاکټرانو په وینا، چې په بغلان ولایت کې پر سو‌ء تغذې د اخته ماشومان شمېر تر بل هر وخت ډېر شوی دی. د بغلان د ولایتي روغتون مسوولین وایي، چې په دغه ولایت کې دروان کال له پیل تر اوسه ۲۰ پر سوء‌تغذیه اخته ماشومان مړه شوي او ۴۳۹۷ نور لا هم پر دغه ناروغۍ اخته دي. د بغلان د ولایتي روغتون د سوء تغذیې ریاست مسوول ډاکټر عبدالرحمن الفت ددغه ناروغۍ اصلي لامل فقر او بې وزلي بولي. د ماشومان د ملاتړ صندوق مسوولینو له دې وړاندې ویلي وو، چې په افغانستان کې درې میلیونه ماشومان پر سوء تغذیه ناروغۍ باندې اخته دي او که پر وخت ورته رسیدګي ونه شي، نو کیدای شي یو میلیون یې خپل ژوند له لاسه ورکړي.