د کرونا د مخنیوي لپار؛ جرمني له افغانستان سره ۷۰ میلیونه یورو مرسته کوي

د جرمني د اقتصادي همکارۍ او پراختیا وزارت ویلي، چې له افغانستان سره د کرونا د مخنیوي او له هغه د رامنځ ته شوي تاوان سره د مبارزې لپاره د نږدې ۷۰ میلیونه یورو مرسته کوي. د دې وزارت د بهرنیو اړیکو مشر مارتین ییګر د مالیې وزارت له چارواکو سره خبرو کې دا ژمنه کړې. په ورته وخت کې د روغتیا نړیوال سازمان اعلان کړی چې په نږدې راتلونکی کي به له کرونا سره د مبارزې لپاره، افغانستان سره ۷۰ میلیونه ډالره مرسته وکړي. دې سازمان ویلي له دې ویروس څخه ډېر اغېزمن خلک باید دې مرستو کې لومړیتوب ولري. تر دا مهاله هند، ترکیې، امریکا، ناټو، اروپایي ټولنې، جرمني، نړیوال بانک، اسیایي بانک، روسیې، چین او د روغتیا سازمان له افغانستان سره د تجهیزاتو او نغدي مرسته کړې ده.