د رسنیزو تخطيو او شکايتونو ارزونې کمېسيون د رسنيو قانون د ژر تصویب غوښتنه کړې او له ټولو ادارو یې غوښتي چې هره رسنيزه موضوع دې د همدغه کمېسيون له لارې تعقیب کړي. دغه کمېسیون چې مشري یې د اطلاعاتو او کلتور وزارت سرپرست وزیر ملا خیرالله خیرخواه کوي، ١١ غړي لري او د روان کال د وږي مياشتې په لومړۍ نېټه يې کار پیل کړی دی. تېره ورځ دغه کمېسیون د اطلاعاتو او کلتور وزارت د نشراتي مرستيال حيات الله مهاجر فراهي تر مشرۍ لاندې خپله درېیمه ناسته وکړه. په دې ناسته کې د څو رسنيو د تخطيو په اړه څېړنه او لازمې سپارښتنې شوې دي. غونډه کې ټينګار شوی چې د رسنيو قانون تصویب ته اړتیا ده او هر څومره ژر چې کېدای شي دا قانون دې تصويب شي او رسنیو ته دې ورسېزي.
