د ملګرو ملتو د بشري حقونو مشر د ا.ا پر چارواکو غږ کړی چې ژر تر ژره پر افغان ښځو او نجونو لګېدلي بندیزونه لرې کړي. ولکر تورک په غیر دولتي موسسو کې د ښځو د کار د ممانعت پرېکړه د افغانستان او حتی د افغانستان د ګاونډیو لپاره خطرناکه بللې ده. د ملګرو ملتو د بشري حقونو د عالي کمېشنرۍ د مشر ولکر تورک بیان پرون په جینوا کې خپور شو. تورک په دې بیان کې ویلي دي چې، هیڅ هېواد نهشي کولی چې په اجتماعي او اقتصادي ډګرونو کې پرمختګ وکړي او خپل نیمایي خلک له پامه وغورځوي. په دې بیان کې راغلي چې پر ښځو او نجونو باندې دا بې بنسټه محدودیتونه به یوازې د افغانانو ستونزې زیاتې کړي. په بیان کې د تورک په وینا دا خبره هم راغلې ده چې دی ټولو افغانانو ته اندېښنمن دی خو دا وېره هم شته چې دا مسله به د افغانستان له سرحدونو ورها خوا هم ستونزې پیدا کړي.
