پاکستان: نیول شوي افغانان به د دوسیو له بشپړېد وروسته خوشې شي

په پاکستان کې د ښځو او ماشومانو په ګډون ۱۲۰۰ افغان کډوال د قانوني اسنادو نه لرلو له امله نیول شوي او بنديان دي. اسوشیتید پرېس خبري اژانس تېره ورځ د پاکستان د پولیسو او چارواکو له قوله خبر ورکړی چې د دغه هېواد په زندانونو کې د ښځو او ماشومانو په کډون ۱۲۰۰ افغان کډوال پراته دي. سرچینې ليکلي دغه کسان د قانوني اسنادو نه لرلو له امله نیول شوي دي. د یاد خبر له مخې پولیسو او سیمه ییزو حکومتي چارواکو ویلي چې نيول شوي کسان به د هغوی د دوسیو له بشپړېدو وروسته ازاد او بېرته خپل هېواد ته ستانه شي. دا په داسې حال کې ده چې په اسلام اباد کې د افغانستان سفارت پرون پر خپله ټویټرپاڼه ليکلي وو چې په اسلام اباد کې د ا.ا له سفارت او افغان جنرل کونسلگریو سره د پاکستاني ادارو او چارواکو له ژمنو سره سره لا هم په پاکستان په ځانګړي ډول سند ایالت کې د ښځو او ماشومانو په ګډون نيول شوي افغانان له زندانونو نه دي خوشي شوي.