د کډوالو چارو وزارت وايي د افغان سفارت په هڅو د پاکستان له زندانونو د نورو افغان بندیانو ازادولو او هېواد ته یې د راستنولو بهیر دوام لري. د کډوالو چارو وزارت ویاند عبدالمطلب حقاني ویلي، د نیول شویو کسانو په منځ کې یو شمېر داسې کسان هم نیول شوي وو چې قانوني اسناد یې درلودل. په همدې حال کې د ا.ا ویاند هم په یوه ټویټ کې له پاکستان څخه غوښتي چې په راتلونکې له افغان کډوالو سره له ورته کړنو ډډه وکړي، ترڅو د دواړو ملتونو ترمنځ کرکه او واټن رامنځته نشي. د کډوالو چارو وزارت د معلوماتو له مخې دا مهال شاوخوا درې میلیونه افغان کډوال په پاکستان کې مېشت دي چې ډېری یې د کډوالۍ قانوني اسناد لري.
