بهرنیو چارو وزارت: افغانان دې په ناقانونه او خطرناکو لارو سفر نه کوي

بهرنیو چارو وزارت په بلغاریا کې د یو شمېر افغان کډوالو پر مړينه خواشيني ښودلې او پر افغانانو يې غږ کړی چې خپل ژوند دې له ناقانونه او قاچاقي لارو په خطر کې نه اچوي. د بهرنيو چارو وزارت ویاند په خپله ټويټرپاڼه کې د بلغاریا هېواد په صوفیه ښار کې پر یوې پېښې چې ۱۸ تنه افغانانو خپل ژوند په کې له لاسه ورکړی د دغه وزارت پيغام خپور کړی دی. سرچينه کاږي، د افغانستان د بهرنیو چارو وزارت د یادې پېښې له امله د قربانیانو کورنیو ته د تسلیت مراتب وړاندې کوي او یو ځل بیا پر ټولو افغانانو غږ کوي چې خپل ژوند د ناقانونه او قاچاقي لارو له لارې په خطر کې وانه چوي.