پکتيکا کې د انګور اډې لارې د خلاصون لپاره لاریون روان دی

دپکتيکا د برمل ولسوالۍ په انګور اډې سیمه کې دپولې دواړو غاړو ته لاریون روان دی. لاریون کوونکي ددې لارې دخلاصون او ترانزېټ غوښتنه کوي. دوی وايي له څو مایشتو راهیسې دغه لاره د کرونا ناروغۍ د قرنطین له امله د ترانزېټ پر مخ تړل شوې وه چې اوس باید د نورو ترانزيټي لارو په څېر خلاصه شي. لاریون کوونکي وايي، دا چې د میوو موسم دی او که دغه لاره خلاصه نشي ګڼ زیانونه به وویني. دوی له دواړو حکومتونو وغوښتل چې دغه لاره دې د سوداګرۍ پرمخ خلاصه کړي. لاریون کوونکي وايي، که یې غږ وانه ورېدل شي خپلو لاریونونو ته به دوام ورکړي.