بامیانو کې د ترافیکې پېښې له امله ۷ کسانو ته مرګ ژوبله اوښتې

د بامیان ولایت په ورس ولسوالۍ کې د یوه موټر د چپه کېدو له امله دوه تنه مړه او پنځه نور ټپیان دي. د باميانو د امنيې قوماندانۍ وياند محمد خوږياڼي رسا وايي، دا پېښه تېره ورځ د دغه ولايت په ورس ولسوالۍ کې د يوه فلانکوچ موټر د چپه کېدو له امله رامنځته شوې ده. نوموړی وايي په دې پېښه کې د دوو ټپيانو روغتيايي حالت هم نازک ښودل شوی دی. له ترافیکي قوانینو سرغړونه، خراب سړکونه او د موټر چلونکو بې پامي افغانستان کې د ترافیکي پېښو لااملونه بلل کیږي.