بغلان کې د دوو ترافیکي پېښو له امله ۱۴ تنو ته مرګ ژوبله اوښتې ده

د بغلان امنیتي چارواکي وايي چې په مرکزي بغلان او خنجان ولسوالیو کې په دوو ترافیکي پېښو کې يوه ښځه او يو ماشوم  مړه شوي او ۱۲ تنه نور ټپیان شوي دي. د بغلان امنیې قوماندانۍ ویاند ویلي چې تېره ورځ د مرکزي بغلان ولسوالۍ د بورې فابریکې په سیمه کې دوو موټرو ټکر کړی دی. نوموړي وايلي، په ياده پېښه کې يوه ښځه مړه شوې او ۱۲ نور کسان ټپیان شوي دي. خو د پېښې يو عيني شاهد سهارګل همت وايي چې په دې پېښه کې څلور کسان مړه او يو شمېر نور ټپیان شوي دي. د بغلان د امنیې قوماندانۍ ویاند دا هم وویل چې تېر مازدیګر د خنجان ولسوالۍ په شمالي سالنګ کې یوه نجلۍ موټر وهلې او مړه شوې ده.