امریکا لسګونه زره هغو افغانانو ته چې دوه کاله وړاندې هغه هېواد ته تللي، اجازه ورکوي چې متحدهایالتونو کې پاتې شي او کار وکړي. افغان پناه غوښتونکو ته دا اجازه وروسته تر دې ورکول کېږي چې د دوی د مېشتېدو د دایمي حل لپاره د کانګرس هڅې وځنډېدې. د راپورونو له مخې امریکا ته تللي دغه کډوال به په راتلونکي اوړي کې د دوو نورو کلونو لپاره د کار لنډمهاله جوازونه تمدید کړي او په ورته وخت کې به له ډيپورتېدو یا ایستلو خوندي شي.
