د جاپان سفیر: افغانستان کې پاتې کېږو او خپلو مرستو ته دوام ورکوو

په افغانستان کې د جاپان سفیر تاکاشي اوکادا کندهار ته د خپل سفر پر مهال ویلي، چې د هېواد سیاسي نمایندګي یې به په افغانستان کې پاتې شي او هېواد به یې له افغانانو سره خپلو مرستو ته دوام ورکړي. د جاپان سفير د کندهار له يو شمېر اقتصادي فعالانو او سوداګرو سره د ليدني پر مهال د کابل او توکيو ترمنځ د ښو اړيکو پر مهال وويل، چې افغانستان د اسيا زړه دى او د نورو سکتورونو تر څنګ په دې برخه کي هم ډېر ارزښت لري. هغه زیاته کړې چې له ټولو ګاونډیو هېوادونو سره د سوداګرۍ په برخه کې جاپان ډېر مهم دی او له کابل سره همکارۍ ته لېوال دی. جاپان تر دې مخکې هم د ګڼو نورو هېوادونو په شان افغانستان سره د مرستو ژمنې کړي، خو د څارونکو په باور په عملي برخه کې یې رول کمرنګه دی.