په چین کې د افغان سرپرست حکومت سفارتي استازي وړمه ورځ د برقي بسونو د بيا فعالولو لپاره د یوې چینایي کمپنۍ له لوړپوړو چارواکو سره لومړنۍ خبرې کړې دي. په دې لیدنه کې د افغانستان سفارت استازي ویلي، چې په هېواد کې د تېرو درې لسیزو جنګونو له کبله د کابل د برقي بسونو بېخبناوې له منځه تللي او اوس د سرپرست حکومت له بیا واکمنېدو سره سوله او ثبات راغلی؛ حکومت هڅه کوي، چې کابل میشتو هېوادوالو ته د اسانه، با کیفیته او ارزانه تګ راتګ لپاره د برقي بسونو فعالیت بیا پیل کړي. د یادې کمپنۍ چارواکو پهدې اړه د سفارت له استازي سره خپله تجربه شریکه کړې او څرګندوي، چې ګڼ هېوادونه د دوی له بسونو استفاده کوي. په دې برخه کې د ګډ کار لپاره دوی خپل وړاندیزونه د سفارت له استازي سره شریک کړل. په چین کې د افغانستان سفارت استازي ډاډ ورکړ، چې په دې اړه ټول وړاندیزونه به د امارت له اړوند ادارو سره شریک کړي.
