د هېواد په ۱۹ ولایتونو کې د سختو اورښتونو او سېلابونو راوتو اټکل شوی

د هوا پېژندنې ادارې نن او سبا د هېواد په ۱۹ ولایتونو کې د اورښت، چټکو بادونو او سېلابونو اټکل کړی دی. یادې ادارې ویلي، چې بدخشان، نورستان، کونړ، لغمان، بغلان، ننګرهار، کابل، لوګر، پکتیا، خوست، پکتیکا، زابل، غزني، میدان وردګ، بامیان، دایکنډي، پروان، پنجشېر او کاپیسا ولایتونو د سالنګونو په ګډون د اورښت، چټکو بادونو او سېلابونو اټکل شوی دی. خبرپاڼه کې د اورښت کچه په بېلابېلو نقطو کې له ۱۰ تر ۳۰ ملي مترو اټکل شوې ده.