ترکيي پانګوال: په کانونو باندې پانګونه او پروسس دواړه په افغانسان کې کوي

د کانونو او پطرولیم وزارت وايي، چې ترکیي پانګوالو د کانونو په برخه په افغانستان کې پانګونې ته لیوالتیا ښودلې ده. کانونو او پطرولیم وزارت په خپله ټویټر پاڼه لیکلي، چې ددې وزارت سرپرست له ترکیي پانګوالو سره د افغانستان پر کانونو د پانګونې په هلکه خبرې اترې کړې دي. کانونو وزارت زیاته کړې، چې ترکیي پانګوالو په دې لیدنه کې ویلي، چې د افغانستان په کانونو باندې به پانګونه او پروسس د افغانستان د ننه کوي. د کانونو او پطرولیم وزارت سرپرست په دې لیدنه کې له ترکیي پانګوالو سره ژمنه کړې، چې د پانګونې په برخه کې به له خپله اړخه پوره همکارۍ له دوی سره وکړي.