مدیترانیې سمندر کې ۶۰۰ کډوال له ډوبېدو ژغورل شوي

یوه غیر حکومتي موسسه چې د مدیترانیې په سمندرګي کې کډوال د ډوبېدو څخه ژغوري وایي چې په تېرو دوو ورځو کې یې څه باندې ۶۰۰ کډوال په دې سمندر کې له ډوبېدو څخه ژغورلي دي. د SOS په نامه دې سازمان ویلي چې دا کډوال یې د ایټالیا د لامپیدوسا په جنوب لویدیځ کې ژغورلي چې د تونس سره نږدې پرته ټاپو ده. تر دې وړاندې په یوې اعلامیې کې ویل شوي چې د ژغورنې کښتۍ په سمندر کې د کډوالو د ژغورلو لپاره ۱۱ ماموریتونه کړي و او تر پنځو سوو ډیر کسان یې د ډوبیدو څخه ژغورلي . دې ادارې ویلي چې په ژغورل شويو کسانو کې ۱۴۶ یې داسې کم عمره ماشومان دي چې په کښتیو کې ورسره هیڅ سرپرست نه و او پنځو یې بیا سرپرست درلود. په اعلامیې کې همدرانګه ویل شوي چې دوه امیندواره میرمنې هم په ژغورل شویو کسانو کې دي.