افغان حکومت: افغان کډوال د پاکستان په امنیتي ستونزو کې لاس نه لري

د سرپرست حکومت عمومي ویاند پر خپله ایکس پاڼه لیکلي، چې پاکستان کې له افغان کډوالو سره روان چلند د منلو نه دی او دغه هېواد باید په خپله پریکړه له سره  غور وکړي. نوموړي زیاته کړې تر هغه، چې افغان کډوال په خپله خوښه له پاکستان څخه راوځي، یاد هېواد دې زغم ولري. د یادونې وړ ده، چې پاکستان تازه اعلان کړی، چې شاوخوا یو میلیون او درې اویا زره غیرقانوني افغان کډوال په پاکستان کې ژوند کوي او دوی باید د نومبر تر لومړۍ نېټې له پاکستانه ووځي.