دترکیې په مالي مرسته لغمان پوهنتون کې دڅښاک اوبو شبکه جوړه شوه

د ترکیې هېواد د ۶۰ زره امریکايي ډالرو په لګښت د لغمان پوهنتون کې د څښاک د پاکو اوبو شبکه جوړه او ګټې اخیستنې ته وسپارل شوه. د لغمان مسوولین وايي، دغه پروژه کې د ۱۵۰ متره ژورې څاه کېندل، د اوبو د یوې لویې ذخیرې سولر او د تدریسي تعمیرونو لیلې او خوړنځي ته د اوبو د لېږد پیپونه جوړول شامل دي. د لغمان پوهنتون مسوولین د دغه پروژې د بشپړېدو له امله خوښي وښوده او په مرستندویه ادارو یې غږ وکړ، چې د دوی د یو شمېر نورو ستونزو هوارولو کې دې ورسره اړینې مرستې وکړي. د لغمان پوهنتون په شپږ بېلابېلو پوهنځیو کې د مګړی سلګونه محصلین په زده کړو بوخت دي او لا هم د دغه پوهنتون ګڼې برخې رغونې ته اړتیا لري.