چین د هرات له زلزله ځپلو سره د ۳۰ میلیونه یوانو په ارزښت بېړنۍ بشري مرسته وکړه. په دې مرسته کې خيمې، چپرکټونه، کمپلې او د ژمنيو جامو په شمول ځیني بيړني مرستندويه توکي شامل دي. د مالوماتو له مخې، د چین یاد مرستندويه توکي د دغه هېواد له اورمچي ښار څخه د هرات هوايي ډګر ته لېږدول شوي دي. تر دې مخکې، د چين د نړيوالو همکاريو او پرمختګ ملي ادارې ویلي وو، چې د چين حکومت به د افغانستان د سرپرست حکومت له غوښتنې او اړتياوو سره سم، زلزله ځپلو سيمو ته د ۳۰ ميليونو يوانو په ارزښت بيړنۍ مرستې ولېږي، چې نن یې لومړۍ جوپه هرات ولایت ته رسېدلې ده.
