په چین کې د افغانستان سفیر جاوېد قایم وایي، چې د کرونا ناروغۍ له خپرېدو سره سره سږ کال هم د چین له بېلابېلو پوهنتونونو څخه ۱۰۶ افغان محصلین د دوکتورا، ماسټرۍ او لېسانس په کچه فارغېږي.
جاوېد قایم وایي، ټاکل شوې وه چې ددغو محصلینو لپاره د سفارت په انګړ کې ځانګړي د مخې ښې مراسم جوړ شي، خو له کرونا ناروغۍ څخه د مخنیوي په موخه یې یوازې له هغه محصلینو سره کتلي، چې په بیجنګ کې یې زده کړې کولې.
د یادونې وړ ده چې د حبیب ګل ځدراڼ په نوم یو محصل په خپل پوهنتون کې د سږ کال د غوره محصل لقب هم خپل کړی دی.
چین هېواد هر کال یو زیات شمېر افغانانو ته په دغه هېواد کې د لوړو زده کړو زمینه برابروي، څو د دوکتورا، ماسټرۍ او لېسانس تر کچې پورې لوړې زده کړې وکړي.
