د کلیو، بیار غونې او پراختیا وزارت په جوزجان ولایت کې د ۱۷ کیلومترو په اوږدوالي د دوو سړکونو د بیا رغولو د چارو له پیل خبر ورکوي. دغه وزارت ویلي چې د کار نړیوال سازمان په مالي مرسته د جوزجان په منګجک او مردیان ولسوالیو کې د ۳۸۹ زره او ۴۷۲ امریکايي ډالرو په لګښت د دوو سړکونو د بیا رغولو او جغل اچولو چارې پیل شوې. د یاد وزارت د معلوماتو له مخې دغه سړکونه په منګجک ولسوالۍ کې د ۱۳.۷ کیلو مترو په اوږدوالي او په مردیان ولسوالۍ کې د ۳.۳ کیلومترو په اوږدوالي بیا رغول کېږي چې په کې د یادو ولسوالیو ۷۲۷ کسانو ته د کار زمینه هم برابره شوې ده.
