د ازبکستان د لومړي وزیر د مرستیال په مشرۍ، کابل ته راغلي پلاوي د خپل سفر په پای کې له سرپرست حکومت سره د یو میلیارد او ۲۰۰ میلیونه امریکایي ډالرو په ارزښت د صادراتو او وارداتو تړونونه لاسلیک کړي دي. د ازبکستان د لومړي وزیر مرستیال، جمشید خواجه یوف، ویلي، چې د ازبکستان د پانګونې، صنعت او سوداګرۍ وزارت په نږدې راتلونکي کې درې میلیارده ډالرو ته د افغانستان او ازبکستان ترمنځ د دوه اړخیزې سوداګرۍ د رسولو لپاره لار نقشه برابره کړې ده. د افغانستان د صنعت او سوداګرۍ وزارت تر اوسه د ازبکستان او افغانستان تر منځ د لاسلیک شویو تړونونو په تړاو څه نه دي ویلي.
