په افغانستان کې د ملګرو ملتونو د بشري مرستو همغږۍ دفتر يا اوچا ویلي، د هرات زلزله ځپلو خلکو سره د مرستو لپاره جوړ کړی شپږ میاشتنۍ پلان یې ۱۷۳ میلیونه ډالرو ته اړتیا لري . اوچا په يوه خبرپاڼه کې ویلي، راروان ژمي کې ۲۷۵ زره زلزله ځپلي خلک د سرپناه، خوړو، اوبو، نغدو پیسو، روغتیا او نورو بیړنیو ژمنیو مرستو ته اړتیا لري. دا په داسې حال کې ده چې په دې وروستيو کې له پاکستانه د افغان کډوالو د راشړلو لړۍ هم جريان لري.
