د ننګرهار ولايت چارواکي وايي چې پاکستاني لوري یو ځل بیا د تورخم دروازه د ترانزیټ پر مخ تړلې ده. د تورخم کمیسار عصمت الله یعقوب وايي، چې تېره شپه ناوخته پاکستان غوښتل تورخم دروازې ته څېرمه د افغانستان لوري ته شل متره مخکې د لوحې په بهانه یوه بله دروازه جوړه کړي، چې دوی یې د جوړېدو مخه ونیوله، خو پاکستاني لوري د روازه د ټرانزیټ پر مخ وتړله. یعقوب زیاتوي د ستونزې حل په موخه له پاکستاني چارواکو سره خبرو ته تیار دي تر څو ستونزه د خبرو له لارې حل شي.
