م.م په ژمي کې له پاکستانه د افغان کډوالو پر ایستلو اندېښنه ښودلې

د کډوالو په چارو کې د ملګرو ملتونو لویې کمېشنرۍ د ژمي په درشل کې له پاکستانه د بې‌اسناده افغانانو پر ایستلو اندېښنه ښودلې. په افغانستان کې د کډوالو په چارو کې د ملګرو ملتونو د لویې کمېشنرۍ ویاندې کارولاین ګلوک ویلي، له پاکستانه زیات افغانان په تشو لاسونو افغانستان ته ایستل کېږي او ځینې یې حتی نه پوهېږي چېرې لاړ شي، ځکه نه د استوګنې لپاره سرپناه نه لري او نه هم کاروبار. په افغانستان کې یوه اونۍ وروسته ژمی پیلېږي، خو د هېواد په زیاتو برخو کې هوا له وړاندې سړه شوې او زیاتې ایستل شوې کورنۍ وايي، نه پوهېږي خپل اولادونه څنګه ماړه کړي. په همدې حال کې د ماشومانو د ملاتړ موسسې یا سیف دي چلډرن پرون په یوه اعلامیه کې په افغانستان کې د میلیونونو هغو ماشومانو په باب اندېښنه ښودلې چې په نوي میلادي کال به هم د لوږې له ستونزې سره مخامخ وي.