پکتیکا کې یوې موسسې څه باندې زرو کسانو ته د کار زمینه برابره کړې

د پکتیکا ولایت د طبیعي پېښو پر وړاندې د مبارزې او چمتوالي ریاست تر چتر لاندې د هوساینې نړېوالي موسسي له لوري په جانخېل، خوشامند او شیخېل اباد ولسوالیو کې ۱۱۵۰ بې روزګاره ځوانانو ته د کار زمینه برابره شوې ده. د دغه ولایت طبیعي پېښو پر وړاندې د مبارزې او چمتوالي رییس مطیع الله منصور وايي، چې په دغو ولسوالیو کې مو د سروې مطابق په پوره شفافیت سره د اړمنو او بې وزلو کسانو ته د هغوی د کسب او خوښې سره سم د کار کولو توکي په واک کې ورکړل. منصور زیاته کړه هڅه کوو ،چې بې وزلو او یتیمو وګړو ته د نغدو پېسو د مرستې پر ځای هغوی ته د کار کولو زمېنه برابره کړو او راتلونکي کې د پلان سره سم به لرې پرتو او محرومو ولسوالیو ته د یادو مرستو لړۍ وغځول شي.