روان کال په هیواد کې ۴۰۰ زره ټنه د وریجو حاصلات راټول شوي

د احصایې او مالوماتو ملي ادراې په یوه خپره کړې خبر پاڼه کې ویلي، چې روان کال د هېواد په ۱۶ ولایتونو کې له ۱۲۹ زره هکټاره کرنیزې ځمکې څخه ۴۰۰ زره مټریک ټنه د وریجو حاصلات ترلاسه شوي دي. د احصایې او مالوماتو ملي ادارې په خبرپاڼه کې د وریجو ډېری تولیدونکي ولایتونه کندز، تخار، بغلان، ننګرها او کونړ ولایتونه ښودلي دي. په خبرپانه کې  زیاته شوې، چې سږ کال د خوراکي توکو، کرنیزو تخمونو او ضایعاتو په ګډون ۶۸۸ زره مټریک ټنه وریجې ته اړتیا لیدل کیږي، له دې رقم داسې ښکارې چې افغانستان په دې برخه کې په ځان بسیایني ته نژدې شوی دی.