ترکیه: افغانستان سره په ښوونیزه برخه کې مرستو ته دوام ورکوو

د لوړو زده کړو سرپرست وزیر د افغانستان لپاره د ترکیې سفارت له شارژدافير، جنګ اونال سره په لیدنه کې د افغانستان او ترکیې تر منځ په علمي او کلتوري اړیکو او مذهبي مشترکاتو خبرې کړي دي. د لوړو زده کړو وزارت ویاند د یوې خبرپاڼې په خپرولو سره ویلي چې په دغه لیدنه کې ښاغلي اونال د افغانستان له ښوونیز نظام سره په بنسټیزو برخو کې د همکاریو ډاډ ورکړی. د خبرپاڼې له مخې، جنګ اونال په دغه لیدنه کې له افغانستان سره په ښوونیزه برخه کې د مرستو ډاډ ورکړی دی.