د افغانستان او پاکستان د سوداګرۍ او صنایعو د ګډې خونې چارواکو ویلي چې له افغانستان سره د پاکستان د پنځو لارو د بندېدو له کبله منځنۍ اسیا ته د پاکستان سوداګري په ټپه درېدلې. د افغانستان او پاکستان د سوداګرۍ او صنایعو د ګډې خونې ريیس جنید اسماعیل ویلي چې له افغانستان سره د پاکستان د سوداګریزو لارو د بندېدو له کبله د منځنۍ اسیا هېوادونو سره د پاکستان سوداګري درېدلې ده. هغه همداراز ویلي چې که دا لارې همداسې بندې پاتې شي، د پاکستان اقتصادي ثبات ته به سخت زیان ورسوي. څو ورځې وړاندې پاکستان د تورخم لار د بار وړونکو موټرو پر مخ په دې بهانه چې افغان موټرچلوونکي باید ویزه او پاسپورټ ولري وتړله.
