د اوبو او برېښنا سرپرست وزیر وايي چې دمکړۍ د شاه او عروس په بند کې په بشپړه کچې اوبه زېرمه شوي چې کابل ته ولېږدول شي. نوموړي له طلوع نیوز سره په مرکه کې ویلي، چې زېرمه شوې اوبه کولی شي چې په پلازمېنه کې د ۲۰ زره کورنیو اړتیاوې پوره کړي. ورته مهال، د دغه وزارت سرپرست د پنجشېر د سیند اوبو د لېږد پروژې د وروستي کېدو خبر ورکوي او زیاتوي چې په دې برخه کې د پانګونو د جلبولو لپاره یې له ځینو بهرنیو او کورنیو بنسټونو سره ناستې کړې دي. عبد الطیف منصور وایي چې د شاتوت د پروژې د کار د پیلېدو په تړاو له یوه بهرني پانګوال سره هم خبرې شوي او زیاتوي ټاکل شوې چې دغه پانګوال ډېر ژر خپل کار پېل کړي.
