د کندهار ښاروالۍ مسوولین وايي، چې یادې ښاروالۍ په دغه ولایت کې بېلا بېلې پرمختیايي پروژې پلي کړې دي. د کندهار د ښاروالۍ ویاند سیف الله عاصم ویلي چې د ۱۴۰۲ کال له پیله یې د ۲۶۲ میلیونه افغانیو په لګښت د یاد ولایت په ښار کې بېلا بېلې مهمې پرمختیايي پروژې پلي کړې دي. د یادونې وړده، چې دغه ښاروالۍ د ۱۴۰۲ کال لپاره ۴۲۸ میلیونه افغانۍ پرمختیايي بودجه ځانګړې کړې ده، چې پاتې نورې یې په روان کال کې به په په نورو مهمو پرمختیايي پروژو ولګول شي.
