د بخشان ځايي چارواکي وايي چې له مرکز فیض آباد سره د واورو د اورښت له امله د یفتل پایان، شهر بزرګ، راغستان، کوهستان، یاوان، شغنان، اشکاشم او د درواز پنځو ولسوالیو لارې د طوفان او واورې د اورښت له کبله تړل شوې دي. د دغه ولایت د ټولګټو چارو ریاست ساختماني چارو آمر انجنیر افتخار احمد مخدوم زاده ویلي، چې د دغه ولسوالیو لارې نن سهار د واورې د اورښت او توپان له کبله تړل شوي چې د خلاصولو لپاره یې هڅې پیل شوې دي. ورته مهال د دغه ولایت د طبیعي پېښو پر وړاندې د مبارزې ریاست پېښو ته د رسېدنې آمر محمد کامګار وايي چې تر دې دمه په مرکز سربېره جرم، کوف آب او ارګو ولسوالیو کې ۱۰ کورونه په بشپړه توګه نړېدلي چې ځاني زیان نه لري.
