اندونیزیا له افغانستان سره د پولیو ضد ۱۰ میلیون ډوزه واکسین مرسته وکړه. د اندونیزیا د بهرنیو چارو وزارت په یوه خبرپاڼه کې ویلي، دا مرسته پرون د اندونیزیا د بهرنیو چارو وزیرې رینتو مرسودي او د مالیې وزیر سري ملیاني اندراواتي له لوري افغانستان ته ولېږل شوه. اغلې مرسودي ویلي چې په افغانستان کې بشري وضعیت لا ښه شوی نه دی او د ملګرو ملتونو د خوړو پروګرام معلومات ښيي چې ۲۳ میلیونه او ۷۰۰ زره افغانان بشري مرستو ته اړتیا لري. د اندونیزیا د بهرنیو چارو وزیرې همداراز ویلي چې د کافي روغتیايي امکاناتو نشتوالي افغانان د راز راز ساري ناروغیو له خطر سره مخامخ کړي دي.
