کرنې وزارت: روان کال مو هېواد کې ۵۰۰ چکډېمونه جوړ کړي دي

د کرنې او مالدارۍ سرپرست وزیر ویلي، چې د تېر یوه کال په ترڅ کې د ځمکې لاندې اوبو زیاتېدو او خوندیتوب په موخه ۵۰۰ لوی او واړه چکډېمونه جوړ کړي دي. عطاء‌الله عمري زیاته کړې، دغه چکډېمونه د سرپرست حکومت د مشرتابه د حکم له مخې، د هېواد په بېلابېلو ولایتونو کې د وزارتونو له لوري جوړ شوي دي. نوموړي همدارنګه زیاته کړې، د دغه چکډېمونو له پرانېستل‌کېدو وروسته په یوشمېر سیمو کې د ځمکې لاندې اوبو کچه لوړه شوې او راتلونکي کال کې به کروندګر او بڼوال د خپلو کرنیزو چوپړونو لپاره په کافي اندازه اوبه ولري.