د ملګرو ملتونو پراختیایي اداره، وایي په افغانستان کې یې د زرګونو کلیوالو بزګرو ښځو په ګډون لسګونو زره بزګرو سره د کرنې د ودې په برخه کې مرسته کړې ده. د دې ادارې د افغانستان څانګې نن پر خپله ټویټر پاڼه لیکلي، چې کرنه د افغانستان د لرې پرتو سیمو د اقتصاد د ملا تېر دی. سرچینه زیاتوي، په دې هېواد کې یې د خپل فعالیت په ترڅ کې د ۲۱ زره کلیوالو بزګرو ښځو په ګډون له ۸۹ زره زیات بزګر د کرنې د اړینو توکو، د کرنې د پراختیایي خدمتونو او شتمنیو له لارې پیاوړي کړي دي.
