د کډوالو او بېرته راستنېدونکو چارو وزارت له ایران څخه تر زرو د ډېرو افغانانو د راستنېدو خبر ورکړی دی. دغه وزارت پرون پر خپله ټویټر پاڼه لیکلي چې دغه ۱۷۵۰ افغانان یا په خپله خوښه یا هم جبري ډول له ایرانه خپل هېواد ته ستانه شوي دي. ویل شوي له دغه شمېر کسانو ۳۳۹ یې اړ بلل شوي، چې د اړوندو مرستو ترلاسو کولو لپاره د کډوالۍ نړیوال سازمان ته ورپېژندل شوي دي. د ایران تر څنګ له پاکستان څخه هم د بې اسناده افغانانو د ډله ییز اخراج لړۍ د نومبر میاشتې له لومړیو چټکه شوې او تر اوسه په سلګونو-زره افغانان خپل هېواد ته ایستل شوي دي.
