چارواکي: افغانستان کې دې د ناچاوده توکو کچه صفر ته ورسېږي

د سرپرست حکومت سیاسي مرستیال د ماین خطراتو د پوهاوي نړیوالې ورځې په تړاو غونډې ته ویلي، سره له دې چې د افغانستان ډېری سیمې له ماینونو نه پاکې شوې، خو کچه یې صفر ته نه ده رسېدلې او لاهم له خلکو قربانې اخلي. نوموړي ویلي، سرپرست حکومت د ماین پاکولو له پروګرامونو ملاتړ کوي او ټینګار یې کړی، چې دغه پروګرام دې د هېواد په ټولو برخو کې پلي شي. نوموړي له نړیوالې ټولنې غوښتي، چې په افغانستان کې دې د ماین پاکي په برخه کې خپل مسوولیت ادا کړي. سیاسي مرستیال زیاتوي، چې تر راتلونکو څو کلونو به له ماینونو نه د پاک افغانستان شاهدان یو.