تېره میاشت بدخشان کې د ترافیکي پېښو له امله ۲۲ تنه مړه شوي

د بدخشان امنیتي مسوولین وايي، چې د یاد ولایت په مرکز او ولسوالیو کې په تېره یوه میاشت کې د ترافیکي پېښو له امله ۵۰ تنو ته مرګ ژوبله اوښتې ده. د بدخشان د امنیې قوماندانۍ ویاند احسان الله کامګار ویلي چې د روان کال په تېره میاشت کې د یاد ولایت په مرکز او ولسوالیو کې ۲۰ ترافیکي پېښې رامنځته شوي، چې له امله یې د ښځو، ماشومانو او نارینه وو په ګډون ۲۲ تنه مړه شوي او ۲۸ تنه نور ټپیان شوي دي. نوموړي په یاد ولایت کې د ترافیکي پېښو د زیاتوالي لامل د موټرچلوونکو بې احتیاطي بللې ده. هغه له موټر چلوونکو څخه غوښتي چې ترافیکي اصولو مراعات کړي او له سرغړونکو سره به قانوني چلند وشي.