د اوسپنې پټلۍ ادارې ویلي، چې تېره میاشت د هېواد د بېلابېلو اوسپنې پټلیو له لارې ۳۵۲ زره ۹۴۰ مټریک ټنو صادرات او واردات شوي دي. یادې ادارې ویلي، چې په دې موده کې د حیرتان اوسپنې پټلۍ له لارې ۲۶۸زره ۹۳۶ ټنه، د اقینې اوسپنې پټلۍ له لارې ۳۹ زره ۷۰۳ ټنه، د تورغونډۍ اوسپنې پټلۍ له لارې ۴۳۰۱۱ ټنه او د خواف-هرات اوسپنې پټلۍ له لارې ۱۲۹۰ ټنه د نفتي او غیري نفتي او نورو توکو انتقالات تر سره شوي. د اوسپنې پټلۍ ادارې دغه راز زیاته کړې، چې په یاده میاشت کې ۵۹۲۹ مټریک ټنه ټرانزېټ او صادرات هم بهرنیو هیوادونو ته شوي، چې لویه برخه یې نفتي، غیر نفتي، معدني ډبرې او نور مواد جوړوي.
