د ۱۴۰۳ مالي کال بودجه توشیح شوه

د سرپرست حکومت ویاند ویلي، چې د سرپرست حکومت د مشر لخوا د ۱۴۰۳ لمریز مالي کال ملي بودجه له هر اړخیز غور او دقت وروسته توشیح شوه. نوموړي ویلي، چې ملي بودجه کې د خلکو اړتیاوې او لومړیتوبونه په پراخه کچه په پام کې نیول شوي او له خپلو کورنیو عوایدو څخه چمتو شوې ده. د ده په خبره، چې مالیې وزارت به د تل په څېر د ۱۴۰۳ لمریز مالي کال ملي بودجه د هېواد په مالي سیستم کې ځای پر ځای کړي او د روان مالي کال اړوند ټولو (عادي او انکشافي) برخو ته به په پوره روڼتیا سره په نورمال ډول رسېدګي وشي. د یادونې ده، چې د سږني مالي کال بودجې د پیسو اندازه نه ده په ډاګه شوې، چې څو میلیارده افغانۍ عادي او انکشافي بودجه روان کال ته منظور شوې.