د کار او ټولنیزو چارو وزارت وايي، په تېره یوه میاشت کې یې د بهرنیو اتباعو په ګډون څه باندې درې زره کسانو ته د کار جوازونه ورکړي دي. دغه وزارت پرون پر خپله ټویټر پاڼه لیکلي، چې د روان کال په ثور میاشت کې یې ۳ زره ۲۷۶ کورنیو او بهرنیو اتباعو ته د کار جوازونه وېشلي دي. د کار اوټولنیزو چارو وزارت په وینا، دا کاري جوازونه د لوړو زده کړو په دولتي او خصوصي سکتورونو، مسلکي زده کړو، راستنېدونکو، خدمدماتي کارکوونکو او د خصوصي سکتور د موسسو کارکوونکو ته صادر شوي دي. دغه وزارت دا نه دي ویلي چې څومره بهرنيو اتباعو ته د کار جوازونه ورکړل شوي دي.
