د روغتیا نړیواله اداره په نوي کال کې د کرونا د له منځه تلو په اړه خوشبیني ښوودلې ده. د روغتیا نړیوالې ادارې مشر تدروس ادهانوم د نوي کال په مناسبت په خپلو تازه څرګندونو کې ویلي، ددې احتمال شته چې په ۲۰۲۲ کال کې نړۍ د کرونا په له منځه بېلو بریالۍ شو خو د هېوادونو متقابلې همکارۍ ته سخته اړتیا ده.
ادهانوم وایي په دې کال کې باید د نړۍ اویا سلنه خلکو ته واکسین ورکړل شي او زیاته کړې یې ده چې د ځینو هېوادونو له لوري د واکسینو ذخیره کول د اندېښنې وړ دي. هغه د نړۍ پر پیاوړو هېوادونو غږ کړی دی چې د واکسینو تولید ډېر کړي او پر بېوزله هېوادونو یې ووېشي.
