امریکا کې؛ د بايډن د محبوبیت کچه راټيټه شوې ده

په امریکا کې د اوسني ولسمشر جو بایډن د محبوبیت کچه په ټيټېدو ده. د تازه نظرپوښتنې پر بنسټ دمګړی یوازې ۴۲ سلنه امریکایان د بايډن پلویان دي او په تېره میاشت کې بیا دا کچه ۵۲ سلنې ته رسېده. رسنۍ وايي چې د بايډن د ځینو کړنو او ناسم مدیریت له امله د هغه د محبوبیت کچه راټيټه شوې ده او خپل ملاتړي یې له لاسه ورکړي دي. همدا راز ۷۱ سلنه امریکایان په دې باور دي چې د بایډن تر ادارې لاندې امریکا سم لوري ته نه ده روانه او وضعیت په دغه هېواد کې کړکيچن دی. ددې تر څنګ تېره ورځ هم د امریکا پخواني ولسمشر ډونالډ ټرمپ ویلي وو چې بایډن د امریکا په تاریخ کې تر ټولو ناکام ولسمشر دی او د امریکایانو هیلې یې نه دي پوره کړې.